Foto ashyq derekkózden alyndy
Qaraǵandy oblysynda ógei ákesi zorlaǵan 15 jastaǵy qyz júkti bolyp qaldy. Er adam sot aldyna keldi, - dep habarlaidy Tengrinews.kz.
Qaraǵandy oblysynyń qylmystyq ister jónindegi mamandandyrylǵan aýdanaralyq sotynda kámeletke tolmaǵan qyzdy zorlaý boiynsha atyshýly is qaraldy. Sot málimetinshe, jábirlenýshi qyz sottalýshymen týǵanynan bastap turǵan. Ol er adamdy týǵan ákesi dep eseptegen.
"Qaraǵandy oblysynyń qylmystyq ister jónindegi mamandandyrylǵan aýdanaralyq soty kámeletke tolmaǵan balany onyń dármensiz jaǵdaiyn paidalanyp, ata-anasynyń qaitalap zorlaý deregi boiynsha qylmystyq isti qarady. Qylmystyq isti qaraý qorytyndysy boiynsha sot atalǵan tulǵaǵa qatysty úkim shyǵardy. QR Qylmystyq kodeksiniń 120-baby 3-2-bóligi 3-tarmaǵymen ol kináli dep tanylyp, 20 jylǵa bas bostandyǵynan aiyryldy", - dedi Qaraǵandy oblysy mamandandyrylǵan aýdanaralyq sotynyń tóraǵasy Bekzat Shalǵymbaev.
Sottalǵan adam jazasyn qaýipsizdigi ortasha túzeý mekemesinde óteidi. Sot málimetinshe, sottalýshy jaqynda sot úkimine shaǵym túsirgen. Qaraǵandy oblystyq sotynyń apelliatsiialyq alqasy birinshi instantsiianyń úkimin ózgerissiz qaldyrdy. Qujat zańdy kúshine endi.
