Foto: ashyq derekkóz
Qaraǵandy qalasynyń Álihan Bókeihan aýdanynyń soty Memlekettik múlik jáne jekeshelendirý departamentiniń basshysy D. Hamzin men qarjylyq qamtamasyz etý bóliminiń basshysy K. Qashqynbaevqa qatysty úkim shyǵardy, dep habarlaidy Ult.kz.
Hamzin 1 million teńge para alǵany úshin kináli dep tanyldy. Bul qarjy Qazynashylyq departamentiniń ǵimaratyn jóndeý boiynsha oryndalǵan jumystar aktisine qol qoiǵany úshin alynǵan. Eki aiyptalýshy 2,5 million teńgeni jalǵan jumysqa ornalastyrý arqyly jymqyrǵany anyqtaldy.
Sot úkimimen Hamzinge 55 million teńge, Qashqynbaevqa 25,4 million teńge aiyppul salyndy. Ekeýine de memlekettik qyzmette jáne kvazimemlekettik sektorda ómir boiy qyzmet atqarýǵa tyiym salyndy.
Bul sot úkimi áli zańdy kúshine engen joq.
