Qaraǵandy oblysynda memleketke 537 mln teńge zalal keltirgen uiymdasqan qylmystyq top ustaldy, dep habarlaidy "Ult aqparat".
QR Qarjy ministrliginiń aqparatyna sáikes, Qarjy monitoringi komiteti Qaraǵandy oblysy boiynsha Ekonomikalyq tergeý departamentiniń qyzmetkerleri jedel-tergeý barysynda 2017-2020 jyldar aralyǵynda Qaraǵandy qalasynyń aýmaǵynda jalǵan shot-faktýralardy jazyp berýmen ainalysqan uiymdasqan qylmystyq topty áshkerelegen.
Tergeý barysynda 7 adamnan turatyn qylmystyq top, sonymen qatar baqylaýdaǵy zańdy tulǵalardyń basshylary retinde tirkelgen adamdar úi-jailardy izdeý jáne jalǵa alýdy (tirkeý úshin), sondai-aq kontragent-satyp alýshylardy izdestirýdi, ekinshi deńgeili bankterde aqshalai qarajatty qolma-qol aqshaǵa ainaldyrýdy jáne taǵy basqasyn júzege asyrǵan.
«Toptyń qylmystyq áreketi saldarynan memleketke keltirilgen zalal somasy 537 mln teńgeni qurady. Tárkileýdi qamtamasyz etý maqsatynda tergeý barysynda baqylaýdaǵy kásiporyndardyń jalpy somasy 121,3 mln teńgeaqsha qarajatyna tyiym salyndy.
2020 jyldyń 27 jeltoqsanynda qylmystyq is óndirispen aiaqtalyp, bekitilgen aiyptaý aktisimen sotqa joldandy», - delingen QR QM aqparatynda.
