Foto: ekaraganda.kz
Qaraǵandy oblysy Shet aýdany Aqjal kentinde kenshiler jalaqyny kóterýdi jáne kásiporyndaǵy eńbek jaǵdailaryn jaqsartýdy talap etti, dep habarlaidy Ulysmedia.kz.
«Nova Tsink» JShS qyzmetkerleri jalaqyny 50%-ǵa arttyrýdy talap etýde. Kenshilerdiń aitýynsha, olardyń jalaqysy birneshe jyldan beri kóterilmegen jáne qazir olardyń oryndap jatqan eńbek kólemine sáikes kelmeidi. Sondai-aq qyzmetkerler aýtsorsingtik kompaniialardyń jumystaryn (túrli qyzmetter, Jóndeý jumystary) «Nova-Tsink» JShS qyzmetkerlerine tapsyrýdy talap etedi.
Belgili bolǵandai, mundai ereýilder buryn jeke tsehtarda bolǵan. Ótken jyly da jalaqyny kóterý týraly áńgimeler júrgizilgen, alaida bári sóz júzinde ǵana qalǵan.
«Nátije joq eshqandai. Jarty jyl ishinde bizge qalypty eńbek jaǵdailary men jalaqyny kóteremiz dep ýáde etildi. Qazir barlyq qyzmetkerler ereýilge shyqty. Biz jalaqyny 50% - ǵa arttyrýyn talap etemiz. Bizdiń jumys jaǵdaiymyz óte aýyr», - deidi ereýilshiler.
Oqiǵa ornyna Shet aýdany ákiminiń m.a. Dáýren Karsembaev pen aýdan prokýrory Eldos Jappar keldi. Bul oqiǵa týraly oblys basshylyǵy da habardar.
«Kelissózder qorytyndysyna sai uiymdastyrýshylyq máseleler boiynsha ýaǵdalastyqqa qol jetkizildi, qalǵan máseleler 3 tamyzǵa deiin sheshiletin bolady. Qazirgi ýaqytta kásiporyn qyzmetkerleri ózderiniń jumys oryndaryna shyǵyp, óz mindetterine kiristi», - dep habarlady Qaraǵandy oblysy ákiminiń baspasóz qyzmeti.
