Qaraǵandy oblysynda 28 tamyzdan bastap Ashyq jobasyna qatysatyn barlyq biznes nysandaryna demalys kúnderi jumys isteýge ruqsat etildi. Qatań shekteýlerdi alyp tastaý aýrýdyń tómendeýiniń arqasynda múmkin boldy, dep habarlaidy QazAqparat.
Oblystyń bas sanitarlyq dárigeri Iýrii Zalygin Óńirlik kommýnikatsiialar qyzmetiniń alańynda tikelei efirde qaraǵandylyqtardy jańa qaýlymen tanystyrdy.
Barlyq bilim berý uiymdarynda oqý jyly shtattyq rejimde bastalady. Bul rette pedagogtar men qyzmetkerler 100% vaktsinatsiialanýy tiis, tek meditsinalyq qarsy kórsetilimi bar azamattardy qospaǵanda.
Jappai mektep is-sharalaryn ótkizýge tyiym salý qalady.
COVID-19-ǵa qarsy vaktsinatsiiasy bar stýdentterdi jataqhanaǵa ornalastyrýǵa ruqsat etiledi. Sondai-aq, vaktsinatsiialanǵan sheteldik stýdentter kúndizgi oqýǵa kirise alady.
Barlyq bilim berý mekemelerine, jataqhanalarǵa, internattarǵa Ashyq arqyly ǵana kirýge bolady. Ata-analar mektep ǵimaratyna kirmeidi. Olar balany oqý ornynyń esigine deiin shyǵaryp sala alady.
28 tamyzdan bastap nysandarǵa kelesidei áreketterge ruqsat etiledi:
- Ashyq jobasyna qatysatyn barlyq biznes nysandarynyń demalys kúnderi (senbi jáne jeksenbi) jumys isteýi. Olar 00:00-ge deiin, Ashyq kóshbasshylary - 02:00-ge deiin jumys istei alady. Negizgi shart - qyzmetkerler men kelýshilerde «jasyl» mártebe bolýy tiis. «Jasyl» mártebeniń bolýyn talap etetin shart oblysaralyq jáne oblysishilik turaqty tasymaldarǵa, qonaq úilerge, meimanhanalarǵa, áýejailarǵa, vokzaldarǵa, bilim berý uiymdaryna, JOO-darǵa, kolledjderge, internattarǵa jáne bilim berý uiymdarynyń jataqhanalaryna qoldanylmaidy.
- senbi kúni qalaishilik qoǵamdyq kólik qozǵalysy.
30 tamyzdan bastap Ashyq qatysýshylaryna jumys kúnderi saǵat 00:00-ge deiin, Ashyq kóshbasshylaryna 02:00-ge deiin jumys isteýge ruqsat etiledi.
Memlekettik organdardy, ákimdikterdi, quqyq qorǵaý organdaryn, densaýlyq saqtaý uiymdaryn, BAQ-ty, azyq-túlik dúkenderin, dárihanalardy jáne tirshilikti qamtamasyz etý uiymdaryn qospaǵanda, «Ashyq»-qa qatyspaityn kásiporyndar men uiymdardyń jumys isteýge quqyǵy joq.
Nysandar kelesidei sharttarmen jumys isteidi:
- meiramhana, dámhana jáne kofehanalar tipi boiynsha qoǵamdyq tamaqtaný nysandary (úi-jaida) 50%-ǵa deiin, 50 orynnan aspai toltyrylyp;
– alkogoldik ishimdikterdi satpai ashanalar tipi boiynsha qoǵamdyq tamaqtandyrý nysandary (úi-jaida) - táýlik boiy;
- fýd-korttar tolymdylyǵy 20%-ǵa deiin, biraq 30 orynnan aspai;
- meiramhanalardyń, dámhanalardyń tipi boiynsha kópshilik is-sharalardy ótkizbei, eske alý jáne kelýshilerge qyzmet kórsetýge arnalǵan banket zaldary;
- mádeniet nysandary 30 adamǵa deiingi (daiyndyq), sondai-aq eki komponent vaktsina alǵan tulǵalar;
- teatrlar, kinoteatrlar, kontsert zaldary, filarmoniialar, biliard bólmeleri, boýlingter, tsirkter tolymdylyǵy 30%-dan aspaǵan jaǵdaida;
- PlayStation qosa alǵanda, kompiýterlik klýbtar 30%-dan aspaidy. (tek 12 jáne odan joǵary jastaǵy adamdar ǵana jiberiledi);
- kórermenderi 20%-dan aspai toltyrylǵan sporttyq is-sharalar;
- sulýlyq ortalyqtary men salondary, shashtarazdar, manikiýr men pedikiýr qyzmetterin, kosmetikalyq jáne kosmetologiialyq qyzmetterdi tek aldyn ala jazylý boiynsha kórsetý salondary;
- sport keshenderi, 30 adamǵa deiingi sporttyq-saýyqtyrý ortalyqtary (jattyǵýlar), sondai-aq eki komponent vaktsina alǵan tulǵalar.
