Qaraǵandy oblysy Shet aýdanynyń 7 eldi mekeninde 4-ten 6 mm-ge deiin qar jaýdy. Sinoptikterdiń aitýynsha, bul aýa-raiy qubylysy osyǵan deiin boljanǵan, dep habarlaidy QazAqparat.
Qaraǵandy oblysynyń kóptegen óńirlerinde temperatýranyń tómendeýi, Aqtoǵai aýdanynyń ońtústiginde jaýyn-shashyn bolatyny boljandy. Antitsiklondardyń yqpalymen jaýyn jaýyp, arty qarǵa ulasty.
«Bul antitsiklon bizge soltústik-batystan keldi. Jaýyn-shashyn ońtústikten tsiklon túrinde keldi. Jyly jáne sýyq aýanyń aralasýy kezinde kontrast paida bolyp, qar jaýdy», - dep túsindirdi «Qazgidromet» meteorologiialyq boljaý bóliminiń bastyǵy Anastasiia Griaznova.
Sinoptikterdiń aitýynsha, 28 sáýirge deiin oblystyń soltústiginde túnde aýa temperatýrasy tómen bolady.
«Qazirgi ýaqytta aýdannyń ońtústik-shyǵysynda qar jaýyp jatyr. Dál osy ýaqytta Aqadyr, Aqshataý, Aqjal, Moiynty, Kiikti, Bosaǵa, Ortaý kentterinde aq ulpa jaýyp tur. Aýdan boiynsha jaǵdai turaqty», - dedi Shet aýdany ákimi apparatynyń bas mamany Oljas Tóleýbaev.
