12 qańtar kúni Qaraǵandy oblysynda aýa raiynyń nasharlaýyna bailanysty barlyq baǵytta kólik qozǵalysy shekteldi. Tótenshe jaǵdailar departamentiniń bólimsheleri qar qursaýynda qalǵan avtokólikterden 9 adamdy qutqaryp, evakýatsiialady, dep habarlaidy "Ult aqparat".
Qutqarý operatsiialary Abai, Buqar Jyraý jáne Osakarov aýdandarynyń avtojoldarynda júrgizildi.
Sonymen qatar, kólikterdiń júrý qiyndyǵyna jáne aýrýhanaǵa jatqyzý qajettiligine bailanysty Buqar Jyraý aýdany Baimyrza aýyly qutqarýshylarynyń kúshimen 2020 jyly týǵan bala Temirtaý aýrýhanasyna jetkizildi.
Tótenshe jaǵdailar departamenti eldi mekenderden tys jerlerge jáne alys qashyqtyqtarǵa, ásirese túnde jáne aýa raiy nasharlaǵan kezde jolǵa shyǵýdan bas tartýdy suraidy. Avtojoldarda qozǵalysqa tyiym salý nemese shekteý týraly aqparatty qadaǵalap otyrýǵa keńes beriledi.
Aýa raiynyń ózgerýi jáne avtojoldardyń jaǵdaiy týraly jedel aqparat Darmen mobildi qosymshasynda, TJD resmi saitynda qoljetimdi. Oqiǵalar men TJ faktileri týraly 112 nemese (8-7212) 43-36-36, 43-37-37-ge habarlaý qajet.
