Foto: Pixabay
Qarqaraly aýdanynyń prokýratýrasy turǵyndardyń aryz-shaǵymdary boiynsha ekologiialyq zańnamanyń saqtalýyna tekserý júrgizdi.
«Altai Polimetally» JShS (budan ári – Seriktestik) sarqyndy sýlardy ashyq jerge aǵyzatyny anyqtaldy.
Tekserý ótkizý úshin aýdan prokýrory oblystyq Ekologiia departamentine talap joldady.
Nátijesi kásiporynnyń Ekologiialyq kodeks normalaryn buza otyryp, memlekettik ekologiialyq saraptamasyz jáne qaldyqtardy qorshaǵan ortaǵa shyǵarýǵa ruqsatsyz jumys istegenin kórsetti.
Qarqaraly aýdandyq soty kompaniiany kináli dep tanyp, oǵan QR ÁQBtK-niń 332-babynyń 1-bóligi jáne 328-babynyń 1-bóligi boiynsha 313,9 mln teńge aiyppul saldy.
Sonymen qatar, sot oryndaýshysy Seriktestiktiń aǵyndy sýlardy biologiialyq tazartý kesheniniń jumysyn buzýshylyqtar joiylǵanǵa deiin toqtatty.
