Qaraǵandy oblysynda koronavirýs infektsiiasyn juqtyrýdyń 77 jaǵdaiy tirkeldi, dep habarlaidy "Ult aqparat" COVID-19 taralýyna jol bermeý jónindegi vedomstvoaralyq komissiiaǵa silteme jasap.
PTR diagnostikalyq zertteý nátijesi boiynsha 77 adamnan COVID-19 virýsy tabyldy. Tirkelgen jaǵdailar skrining barysynda jáne jaqyn bailanysta bolǵandardy tekserý nátijesinde anyqtaldy.
Qaraǵandy qalasynda – 48, Temirtaý - 4, Saran - 3, Jezqazǵan - 2, Balqash - 4, Qarajal - 1, Abai aýdanynda - 2, Buqar jyraý aýdanynda - 8, Shet aýdanynda 5 adamnan indet tabyldy.
Barlyǵy juqpaly aýrýlar statsionaryna jatqyzyldy.
Qazirgi ýaqytta naýqastardyń jaǵdaiy qanaǵattanarlyq, em alyp jatyr.
Oshaqtarda dezinfektsiialyq sharalar júrgizildi.
12 maýsymdaǵy ahýal boiynsha oblysta 1419 juqtyrý jaǵdaiy anyqtaldy, onyń ishinde 7 adam qaitys bolǵan. 630 patsient jazylyp shyqty.
