Foto: Vikipediia
Qarjylyq monitoring agenttigi Qaraǵandy oblysynda bassein salýǵa bólingen biýdjet qarajatyn jymqyrý faktisin tergep jatyr.
Balalar sportyn damytýǵa baǵyttalǵan áleýmettik mańyzy bar obektiniń qurylysyn baqylaǵan azamat oryndalǵan jumystyń jalǵan aktileri boiynsha jetkizilmegen qurylys materialdary úshin ózine qarasty kásiporynnyń shotyna, sondai-aq bassein qurylysyna qatysy joq basqa kásiporyndardyń atyna qarajat aýdarǵan.
Keshendi sot qurylysy-ekonomikalyq saraptamasynyń qorytyndysyna sáikes, memleketke oryndalmaǵan jumys pen jetkizilmegen materialdardan turatyn 130 mln teńgeden astam zalal kelgen.
Atalǵan azamat ustalyp, úiqamaqqa alyndy.
Qazirgi ýaqytta sotqa deiingi tergeý júrip jatyr.
QR QPK 201-baby tártibindegi ózge aqparat jariialanbaidy.
