Qaraǵandy oblysynda balalardy urdy dep aiyptalǵan jekemenshik balabaqsha tárbieshisi jumystan bosatyldy. Bul týraly oblystyq bilim basqarmasynyń baspasóz qyzmeti ókili málimdedi, - dep habarlaidy Tengrinews.kz.
"Qaraǵandy oblysynyń bilim basqarmasy basshylyǵy "Ádemi" jekemenshik balabaqshasynda bolǵan oqiǵany baqylaýyna aldy. Barlyq kináli tulǵa jaýapqa tartylady. Beinebaqylaý kamerasyna túsip qalǵan tárbieshi jumystan bosatyldy", - dep atap ótti vedomstvo ókili.
Jazba jariialanǵannan keiin oǵan Abai aýdanynyń bilim bólimi qyzmetkeri oqiǵaǵa qatysty pikir bildirdi. Vedomstvoda bul derek boiynsha komissiia qurylǵany, qorytyndysy boiynsha sharalar qabyldanatyny aityldy. Sondai-aq, bul videony politsiia qyzmetkerleri de tekserdi.
"Oqiǵa Qylmystyq kodekstiń 140-babynda kózdelgen "Kámeletke tolmaǵan adamdy tárbieleý jónindegi mindetterdi oryndamaý" boiynsha Abai aýdanynyń PB-da tirkeldi. Sotqa deiingi tergeý barysynda politsiia qyzmetkerleri 20 jastaǵy kúdiktini anyqtady. Tergeý amaldary júrgizilip jatyr", - dedi Qaraǵandy oblystyq politsiiasynyń baspasóz qyzmeti ókili.
