قاراعاندى وبلىسىندا بالالاردى ۇردى دەپ ايىپتالعان جەكەمەنشٸك بالاباقشا تەربيەشٸسٸ جۇمىستان بوساتىلدى. بۇل تۋرالى وبلىستىق بٸلٸم باسقارماسىنىڭ باسپاسٶز قىزمەتٸ ٶكٸلٸ مەلٸمدەدٸ, - دەپ حابارلايدى Tengrinews.kz.
"قاراعاندى وبلىسىنىڭ بٸلٸم باسقارماسى باسشىلىعى "ەدەمٸ" جەكەمەنشٸك بالاباقشاسىندا بولعان وقيعانى باقىلاۋىنا الدى. بارلىق كٸنەلٸ تۇلعا جاۋاپقا تارتىلادى. بەينەباقىلاۋ كامەراسىنا تٷسٸپ قالعان تەربيەشٸ جۇمىستان بوساتىلدى", - دەپ اتاپ ٶتتٸ ۆەدومستۆو ٶكٸلٸ.
جازبا جارييالانعاننان كەيٸن وعان اباي اۋدانىنىڭ بٸلٸم بٶلٸمٸ قىزمەتكەرٸ وقيعاعا قاتىستى پٸكٸر بٸلدٸردٸ. ۆەدومستۆودا بۇل دەرەك بويىنشا كوميسسييا قۇرىلعانى, قورىتىندىسى بويىنشا شارالار قابىلداناتىنى ايتىلدى. سونداي-اق, بۇل ۆيدەونى پوليتسييا قىزمەتكەرلەرٸ دە تەكسەردٸ.
"وقيعا قىلمىستىق كودەكستٸڭ 140-بابىندا كٶزدەلگەن "كەمەلەتكە تولماعان ادامدى تەربيەلەۋ جٶنٸندەگٸ مٸندەتتەردٸ ورىنداماۋ" بويىنشا اباي اۋدانىنىڭ پب-دا تٸركەلدٸ. سوتقا دەيٸنگٸ تەرگەۋ بارىسىندا پوليتسييا قىزمەتكەرلەرٸ 20 جاستاعى كٷدٸكتٸنٸ انىقتادى. تەرگەۋ امالدارى جٷرگٸزٸلٸپ جاتىر", - دەدٸ قاراعاندى وبلىستىق پوليتسيياسىنىڭ باسپاسٶز قىزمەتٸ ٶكٸلٸ.
