11 maýsymdaǵy málimet boiynsha Qaraǵandy oblysynda koronavirýs infektsiiasynyń aýrý belgisimen 52 adam tirkeldi. Ósim – 4 paiyz, dep habarlandy COVID-19 taralýyna jol bermeý jónindegi vedomstvoaralyq komissiianyń Telegram-daǵy paraqshasynda.
«PTR diagnostikalyq zertteý nátijeleri boiynsha 52 adamda COVID-19 virýsy anyqtaldy, tirkelgen jaǵdailar skrining barysynda jáne jaqyn bailanysta bolǵandardy tekserý nátijesinde anyqtaldy.
Atap aitsaq, Qaraǵandy qalasynda – 36 adam, Temirtaý qalasynda – 1, Saran qalasynda – 6, Q.Sátbaev qalasynda – 4, Shahtinsk qalasynda – 4, Abai aýdanynda – 1 adam anyqtaldy», delingen habarlamada.
Barlyǵy juqpaly aýrýlar statsionaryna jatqyzyldy. Qazirgi ýaqytta naýqastardyń jaǵdaiy qanaǵattanarlyq, em alyp jatyr. Oshaqtarda dezinfektsiia júrgizildi.
11 maýsymdaǵy ahýal boiynsha oblysta koronavirýs infektsiiasymen jalpy 1 342 adam tirkelgen, onyń ishinde 619 patsient jazylyp shyqty.
