Foto: Qaraǵandy qalasy ákimdiginiń baspasóz qyzmeti
Meiram Qojýhov Qaraǵandy qalasynyń ákimi bolyp taǵaiyndaldy, - dep habarlaidy "Ult aqparat" ákimdiktiń baspasóz qyzmetine silteme jasap.
Óńir basshysy Ermaǵanbet Bólekpaev qalalyq máslihattyń kezekten tys sessiiasyna qatysyp, ákim laýazymyna kandidatýrasyn usyndy. Depýtattar ony qoldady.
"Meiram Muratuly kóp jyldar boiy Qaraǵandyda jumys istedi. Barlyq máselemen tanys. Eń bastysy, qala turǵyndary ony jaqsy biledi. Jinaqtalǵan tájiribe men bilim oǵan qalanyń áleýmettik-ekonomikalyq damýynda óziniń áleýetin iske asyrýǵa kómektesedi dep senemin. Sizdiń basymdyǵyńyz qaraǵandylyqtardyń ómirine qolaily jaǵdai jasaý bolýy tiis", - dedi aimaq basshysy.
Ermaǵanbet Bólekpaev jańa ákimniń aldyna oblys ortalyǵyn, infraqurylymdy damytýdy jalǵastyrý jáne jylytý maýsymynyń úzdiksiz ótýin qamtamasyz etý mindetterin qoidy.
Foto: Qaraǵandy qalasy ákimdiginiń baspasóz qyzmeti
Meiram Kojýhov 1972 jyly 7 qarashada dúniege kelgen.
Eńbek jolyn 1992 jyly "M. K-Liýks" JShS atqarýshy direktory qyzmetinen bastady.
2001 jyldan bastap memlekettik qyzmette.
2001 jyldan 2005 jylǵa deiin Saran qalasynyń mádeniet, jastar saiasaty, sport jáne týrizm bóliminiń bas mamany qyzmetin atqardy.
2005 jyldan 2010 jylǵa deiin Aqtas kentiniń ákimi.
2010 jyldan 2018 jylǵa deiin Saran qalasy ákiminiń orynbasary.
2018 jyldan 2022 jylǵa deiin Qaraǵandy qalasynyń Álihan Bókeihan atyndaǵy aýdan ákimi laýazymynda bolǵan.
2022 jyldan bastap búgingi kúnge deiin Qaraǵandy qalasy ákiminiń orynbasary qyzmetin atqardy.
