Búgin QR Premer-Ministriniń orynbasary Eraly Toǵjanov pen QR densaýlyq saqtaý ministri Aleksei Tsoi Qaraǵandy farmatsevtika kesheni (QFK) bazasynda «Gam-KOVID-Gak» («Spýtnik–V») vaktsinasynyń ónerkásiptik óndirisi barysyn jáne vaktsinanyń óńirlerge jetkizilýin tekserdi, dep habarlaidy primeminister.kz.
«Memleket basshysynyń tapsyrmasyna sáikes, otandyq farmatsevtikalyq keshende vaktsinanyń ónerkásiptik óndirisi qysqa merzimde jolǵa qoiyldy. Búgin Qazaqstannyń barlyq óńirine «Gam-KOVID-Gak» vaktsinasynyń 90 myń dozasy jóneltiledi. 2021 jylǵy naýryzda 150 myń dozasyn óndirý josparlanyp otyr, al sáýir aiynan bastap 600 myń dozaǵa deiin jetkiziledi. Osylaisha, halyqty josparly túrde COVID-19-ǵa qarsy vaktsinamen jetkilikti mólsherde qamtamasyz etemiz», — dedi vitse-premer E. Toǵjanov.
«SQ-Farmatsiia» JShS men Resei tikelei investitsiialar qory (RFTIQ) arasynda jasalǵan ózara túsinistik týraly kelisim aiasynda 2 mln astam doza jetkizý, preparat synaqtyń barlyq satysynan ótkennen keiin ony 5 mln dozaǵa deiin arttyrý josparlanýda.
Esterińizge sala keteiik, 2020 jylǵy 11 qarashada QR Prezidenti Qasym-Jomart Toqaev pen RF Prezidenti Vladimir Pýtin telefon arqyly sóileskende pandemiiamen kúreste yntymaqtastyqty jandandyrýdy, sonyń ishinde QR aýmaǵynda birlesip vaktsina óndirisin uiymdastyrý jónindegi josparlardy talqylady.
«QR Densaýlyq saqtaý ministrligi jumys tobyn qurdy, onyń quramyna QR DSM, RFTIQ beiindi vedomstvolarynyń basshylary jáne QFK mamandary kirdi. Qysqa merzimde tehnologiia transferi júrgizilip, óndiristi daiyndap, qyzmetkerlerdi oqyttyq. Búgin Qazaqstan Respýblikasynda «Spýtnik V» vaktsinasynyń tolyqqandy óndirisin iske qosamyz», — dedi A. Tsoi.
«Bizge qysqa merzimde reseilik «Spýtnik V» vaktsinasynyń óndirisin bastaý mindeti qoiyldy. QR Densaýlyq saqtaý ministrligi 4 jeltoqsanda tehnologiia iesi – RF-nyń «Resei tikelei investitsiialar qory» memlekettik kompaniiasymen yntymaqtastyq týraly kelisimge qol qoidy jáne 13 jeltoqsanda bizge daiyn ónimniń validatsiialyq seriialaryn óńdeýge arnalǵan sýbstantsiia berdi», — dedi QFK bas direktory Sergei Baron.
2020 jylǵy 4 jeltoqsanda RFTIQ QR Densaýlyq saqtaý ministrligimen yntymaqtastyq týraly kelisim jasady jáne 2020 jylǵy 13 jeltoqsanda «Qaraǵandy farmatsevtika kesheni» JShS preparattyń tájiribelik seriiasyn óndirý úshin 6 myń doza kóleminde sýbstantsiia aldy.
2020 jyldyń 24 jeltoqsanynan 2021 jyldyń 21 qańtaryna deiin vaktsina N.F. Gamaleia atyndaǵy ortalyqta birneshe ret sapa boiynsha synaqtan ótip, 2021 jyldyń 15 aqpanynda ol QR-da tirkeldi.
