Professor H. J. Maqajanov atyndaǵy kópsalaly aýrýhana jyldyń úzdik statsionary dep tanyldy. Meditsinalyq mekeme «Halyqtyń súiiktisi» ulttyq syilyǵynyń qorytyndysy boiynsha marapatqa ie boldy. Daýys berýdiń sońǵy kezeńi syilyqtyń lubimec.kz resmi saitynda ótti, dep habarlaidy "Ult aqparat".
Bul joly syilyqtyń uiymdastyrýshylary men qazylar alqasy meditsina qyzmetkerleri men eriktilerdi erekshe atap ótti. H. J. Maqajanov atyndaǵy aýrýhananyń da jumysy laiyqty baǵalandy.
Aýrýhana pandemiia kezinde alǵashqylardyń biri bolyp bar aýyrtpalyqty kótere bildi.
Búginde klinikada 1 200-ge jýyq adam jumys isteidi. Onyń ishinde 300 meditsina qyzmetkeri koronavirýs indeti kezinde kúndiz-túni vahtalyq ádispen jumys istedi.
«Bul biz úshin kútpegen jańalyq boldy, men qatty tańdandym», - deidi aýrýhana direktory Erkin-Dáýir Qurmanǵaliev.
Statsionar basshysy barlyq qazaqstandyqtarǵa sanitarlyq rejimdi saqtap, betperde kiiýdi umytpai, talaptarǵa túsinistikpen qaraý kerektigin eskertedi.
