پروفەسسور ح. ج. ماقاجانوۆ اتىنداعى كٶپسالالى اۋرۋحانا جىلدىڭ ٷزدٸك ستاتسيونارى دەپ تانىلدى. مەديتسينالىق مەكەمە «حالىقتىڭ سٷيٸكتٸسٸ» ۇلتتىق سىيلىعىنىڭ قورىتىندىسى بويىنشا ماراپاتقا يە بولدى. داۋىس بەرۋدٸڭ سوڭعى كەزەڭٸ سىيلىقتىڭ lubimec.kz رەسمي سايتىندا ٶتتٸ, دەپ حابارلايدى "ۇلت اقپارات".
بۇل جولى سىيلىقتىڭ ۇيىمداستىرۋشىلارى مەن قازىلار القاسى مەديتسينا قىزمەتكەرلەرٸ مەن ەرٸكتٸلەردٸ ەرەكشە اتاپ ٶتتٸ. ح. ج. ماقاجانوۆ اتىنداعى اۋرۋحانانىڭ دا جۇمىسى لايىقتى باعالاندى.
اۋرۋحانا پاندەمييا كەزٸندە العاشقىلاردىڭ بٸرٸ بولىپ بار اۋىرتپالىقتى كٶتەرە بٸلدٸ.
بٷگٸندە كلينيكادا 1 200-گە جۋىق ادام جۇمىس ٸستەيدٸ. ونىڭ ٸشٸندە 300 مەديتسينا قىزمەتكەرٸ كوروناۆيرۋس ٸندەتٸ كەزٸندە كٷندٸز-تٷنٸ ۆاحتالىق ەدٸسپەن جۇمىس ٸستەدٸ.
«بۇل بٸز ٷشٸن كٷتپەگەن جاڭالىق بولدى, مەن قاتتى تاڭداندىم», - دەيدٸ اۋرۋحانا ديرەكتورى ەركٸن-دەۋٸر قۇرمانعاليەۆ.
ستاتسيونار باسشىسى بارلىق قازاقستاندىقتارعا سانيتارلىق رەجيمدٸ ساقتاپ, بەتپەردە كييۋدٸ ۇمىتپاي, تالاپتارعا تٷسٸنٸستٸكپەن قاراۋ كەرەكتٸگٸن ەسكەرتەدٸ.
