Atyraý oblysy Qarabatan aýylynda bolǵan órt oqiǵasy boiynsha qurylǵan komissiianyń jumysy aiaqtaldy, dep xabarlaidy QazAqparat tilshisi.
Esterińizde bolsa, naýryzdyń basynda gaz týrbina elektr stansasynyń qurylys aimaǵynda 7 jumysshy qaitys bolǵan edi.
QR Eńbek jáne xalyqty áleýmettik qorǵaý vitse-ministri Nurjan Áltaevtyń aitýynsha, komissiianyń jumys qorytyndysy boiynsha akt rásimdeldi. Búgin atalǵan qujatty Úkimet basshysynyń atyna joldaý josparlanyp otyr.
"Órtke jumys berýshiniń ózi kináli. Ony tótenshe jaǵdailar qyzmeti de rastap otyr. Qarabatandaǵy jataqxanalarda elektr symdar tym qatty qyzyp ketti. Sodan órt shyqty. Jataqxanada ortalyqtandyrylǵan jylý júiesi bolǵan joq. Sol sebepti árbir bólmede jylytý qurylǵylary turdy. Sonyń saldarynan elektr symdar qyzyp ketti", - dedi N.Áltaev búgin Astanada ótken baspasóz máslixatynda.
Onyń aitýynsha, atalǵan oqiǵadan keiin barlyq jumysshylar úige jiberildi. Alaida jalaqylaryn ala beredi. Jumys berýshi kompaniia bolsa, barlyq talaptarǵa sai keletin jańa jataqxanalardy salyp shyǵýy tiis. Sonda ǵana jumysshylar qaityp keledi. Olardyń barlyǵy - Ońtústik Qazaqstan oblysynyń turǵyndary.
"Jumysshylardyń barlyǵy saqtandyrý júiesimen qamtylǵan. Sol sebepti órt kezinde qaitys bolǵan adamdardyń otbasylary jalpy kólemi 90 million teńge saqtandyrý tólemderin alady. Budan bólek, jumys berýshiniń ózi shamamen 50 million teńgeniń materialdyq kómegin beretin boldy. Máiitterdi Ońtústik Qazaqstanǵa jetkizý men jerleý shyǵyndaryn da óz moinyna aldy", - dep atap kórsetti N.Áltaev.
