Sinoptikter 25 aqpanda aýa raiy qandai bolatynyn jariialady, dep habarlaidy "Ult aqparat" «Qazgidromet» RMK baspasóz qyzmetine silteme jasap.
Qazaqstan aýmaǵynyń basym bóliginde fronttardyń áserinen turaqsyz aýa raiy saqtalady.
Elimizdiń ońtústiginde, ońtústik-shyǵysynda túnde qatty qar jaýady, tek batysynda antitsiklon yqpalymen jaýyn-shashyn jaýmaidy.
Respýblikanyń kei jerlerinde tuman túsedi, kóktaiǵaq pen burqasyn bolady. Jel kúsheiedi. Eldiń ońtústik-shyǵysynda jel ekpini 30 m/s jetedi jáne odan asady.
Jambyl, Túrkistan oblystarynyń kei jerlerinde - tuman, kóktaiǵaq, burqasyn. Jel qarqyny 23-28 m/s deiin kúsheiedi.
Jambyl oblysynyń ońtústik-batysynda jel jyldamdyǵy 30 m/s jáne odan asady.
Almaty oblysynyń kei jerlerinde tuman túsip, kóktaiǵaq bolady, boran soǵady. Jeldiń kúshi - 25 m/s.
Pavlodar oblysy, túnde jáne tańerteń Qyzylorda oblysynyń kei jerlerinde burqasyn soǵady. Jel ekpini 25 m/s jetedi.
Qostanai, Qaraǵandy, Shyǵys Qazaqstan oblystarynyń kei jerlerinde tuman túsedi, jaiaý burqasyn soǵady. Jel qarqyny - 15-20 m/s.
Shyǵys Qazaqstan oblysynda jeldiń jyldamdyǵy 23-28 m/s bolady.
Aqmola, Soltústik Qazaqstan oblystarynyń kei jerlerinde boran soǵady. Jeldiń kúshi - 15-20 m/s.
Aqtóbe oblysynyń kei jerlerinde tuman túsip, túnde jaiaý burqasyn kóteriledi.
Mańǵystaý oblysynyń kei jerlerinde tuman túsedi.
