Almatyda qar barysynyń popýliatsiiasyn zertteitin ǵylymi ekspeditsiia qurylady. Bul týraly Almaty zoobaǵynyń burynǵy direktory, máslihat depýtaty Erjan Erkinbaev aitty, dep habarlaidy QazAqparat tilshisi.
Onyń aitýynsha, bul zertteý jumystaryn Zoologiia institýty qolǵa almaq.
Jaqynda Snow leopard foundation qar barysyn qorǵaý qory IýNESKO-nyń «Adam men biosfera» komitetiniń tóraǵasy Zoologiia institýtynyń direktory Iashenko Romanmen kelissóz júrgizgen.
«Biz jaqynda ǵylymi ekspeditsiia qurǵaly jatyrmyz. Bul ekspeditsiia birneshe ai ishinde Ile Alataýyndaǵy qar barysyn zerttep, monitoring júrgizetin bolady. Sonyń nátijesinde biz qar barystarynyń sanyn, popýliatsiia tyǵyzdyǵyn, fiziologiialyq maǵlumattaryn, DNQ málimetterin, migratsiia joldaryn, ómirine qaýip tóndiretin qaterli faktorlardy anyqtaityn bolamyz. Ekspeditsiia quramyna 10 múddeli adam kiredi. Zertteý uiymy músheleri video, foto, GPS quralarmen qamtylatyn bolady», - dedi máslihat depýtaty.
Erjan Erkinbaev ekspeditsiia arasynda arnaiy ǵylymi konferentsiia ótkiziletinin aitty.
Sonymen qatar, jaqynda atalǵan qor túz taǵysyna arnalǵan joiylýdyń az-aq aldynda turǵan qar barysyna arnalǵan zoobaq ashpaq.
