Qar barysy «Altyn-Emel» ulttyq parkinde ekinshi ret fototuzaqqa ilikti, dep habarlaidy "Ult aqparat" Qazaqstan Respýblikasynyń Ekologiia ministrligine silteme jasap.
Buǵan deiin «Kólsai kólderi» ulttyq parkinde fototuzaq qar barysyn tirkegenin habarlaǵanbyz. Endi taǵy bir jaqsy jańalyq Qyzyl kitapqa engen erekshe jyrtqysh fototuzaqqa taǵy bir márte ilikti. Bul joly tutas bir otbasy - analyq barys jáne onyń aldyńǵy jyly týylǵan eki kúshikteri baiqaldy.
Bunyń aldynda fototuzaqqa túsken barys atalyq edi. Qazirgi ýaqytta park aýmaǵynda BUUDB-nyń qar barysyn saqtaý jónindegi jobasy iske asyrylýda. Onyń sheńberinde mamandar ulttyq park aýmaǵyna birneshe fototuzaq ornatty.
Ǵalymdardyń aitýynsha barystyń bul aýmaqta paida bolýyna 2017 jyldan bastap osy parkte qar barysynyń negizgi qoregi – Sibir taý eshkisine áýesqoilyq jáne trofeilik ańshylyqqa shekteý qoiylǵandyǵy sebep.
Ulttyq parkte qar barysynan ózge de Qyzyl kitapqa engen janýarlardy saqtaý úshin mamandar ulttyq parktiń kúzet aimaǵyna, sondai-aq Joǵarǵy Kóksý qaýmaly men Oryqty, Túlkili, Qoiandytaý, Toqsanbai, Atyjoq, Dýlantaý, Ortataý taýlaryna tezdetip ekologiialyq dáliz qurýdy usynady. Bul «Altyn – Emel» taý silemindegi qar barysy popýliatsiiasynyń kedergisiz kóshýine jáne saqtalýyna ǵana emes, sondai-aq ulttyq parkte arqar, túrkistan sileýsini, sabanshy, Tian-Shan qońyr aiýy, tas sýsary siiaqty sirek kezdesetin jáne joiylyp bara jatqan janýarlardyń kóbeiýine yqpal etetin bolady.
