Almaty oblysy ákiminiń ókimimen Talǵat Qanatuly Qainarbekov Qapshaǵai qalasynyń ákimi bolyp taǵaiyndaldy. Bul týraly Almaty oblysy ákimdiginiń resmi saity habarlady.
Talǵat Qanatuly Qainarbekov 1969 jyly týǵan. Abai atyndaǵy Almaty memlekettik ýniversitetin, I. Jansúgirov atyndaǵy Jetisý memlekettik ýniversitetin, Qazaqstan Respýblikasy Prezidenti janyndaǵy Memlekettik basqarý akademiiasyn bitirgen. Mamandyǵy – tarih jáne qosymsha memlekettik quqyq pániniń oqytýshysy, ekonomist, memlekettik jáne jergilikti basqarý magistri.
Eńbek jolyn Taldyqorǵan aýdany Kókózek aýylyndaǵy orta mektepte muǵalim bolyp bastady. Keiin «Eldorado» JShS menedjeri, Taldyqorǵan qalasy ákimi apparatynyń ónerkásip, kólik jáne bailanys bóliminiń bastyǵy, Kóksý aýdany jáne Taldyqorǵan qalasy ákimderiniń orynbasary qyzmetterin atqardy.
2013 jyldyń maýsymynan – Tekeli qalasynyń ákimi.
Aita ketsek, Tekeli qalasynyń ákimi bolyp Baqtiiar Áltaiuly Ónerbaev taǵaiyndaldy. Ol 2014 jylǵy qarashadan Almaty oblysy ákiminiń orynbasary qyzmetin atqarǵan bolatyn.
Bul qyzmetke búgin Almaty oblysy ákiminiń ókimimen Jaqsylyq Muqashuly Omar oblys ákiminiń orynbasary bolyp taǵaiyndaldy. ol 2013 jyldyń mamyr aiynan beri Shyǵys Qazaqstan oblysy ákiminiń orynbasary qyzmetin atqarǵan bolatyn.
