Qapshaǵai qalasy Politsiia bóliminiń qyzmetkerleri arnaiy reid barysynda koronavirýs infektsiiasynyń jappai taralýynyń aldyn alýǵa baǵyttalǵan karantindik shekteýlerdi eskermei, jasyryn qyzmet etken kazinonyń áreketin áshkereledi, dep habarlaidy "Ult aqparat".
«Oblystyq Bas sanitarlyq dárigerdiń qaýlysyna sáikes barlyq kazinolardyń qyzmetine shekteý qoiylǵan. Alaida, qaladaǵy bir kazinonyń oiynshylardy qabyldaǵany anyqtaldy. Biz barǵanda oiyn mekemesinde 60 jýyq adam boldy. Atalǵan derek boiynsha jinaqtalǵan foto-beine materialdar tiisti shara qolaný úshin múddeli memlekettik organǵa jiberildi»,- dedi qalalyq Politsiia bóliminiń bastyǵy politsiia maiory Manat Aitmuhanbetov.
Sanitarlyq dárigerdiń qaýly talaptaryn saqtamai, karantin erejelerin óreskel buzǵan kazino iesine 900 myń teńgeden astam aiyppul salynǵan.
Esterińizge sala keteiik, indettiń aldyn alý úshin tártip saqshylary halyqqqa tegin meditsinalyq betperdeler taratyp, qoǵamdyq oryndarda, kólikterde sanitarlyq-qaýipsizdik sharalaryn qatań saqtaý jáne betperdeni taǵyp júrý qajettiligi týraly túsindirý jumystaryn turaqty túrde júrgizýde.
