Qapshaǵaida Almatydaǵy tártipsizdikter kezinde qarý-jaraq dúkenine shabýyl jasady degen kúdiktiler ustaldy. Bul týraly Kóliktegi politsiia basqarmasynyń bastyǵy Ońal Bekiev málimdedi, dep habarlady Tengrinews.kz agenttigi.
Politsiia málimetinshe, 9 aqpanda Qapshaǵaidaǵy jaldamaly páterlerdiń birinde Almaty oblysynyń eki turǵyny ustalǵan. Olar Almatydaǵy tártipsizdikter kezinde qarý-jaraq dúkenine shabýyl jasap, 18 atys qarýyn urlady degen kúdikke ilindi. Kúdiktilerdi ustaý kezinde urlanǵan qarýlar tárkilendi.
"Buǵan deiin kólik politsiiasy olardyń 32 jastaǵy seriktesin ustaǵan bolatyn. Atalǵandarǵa qatysty tergeý soty "kúzetpen ustaý" bultartpaý sharasyn sanktsiialady. Sotqa deiingi tergeý amaldary júrgizilip jatyr", - dedi Bekiev.
