Memlekettik-jekemenshik seriktestik negizinde Qapshaǵaida alǵash ret Deneshynyqtyrý-saýyqtyrý kesheni boi kótermek. Mediger kompaniia - «BI Urban Construction».
Búgingi kúnde jobalaý-smetalyq qujattary daiyndalyp, memlekettik saraptamadan ótti. Mekeme qurylys jumystaryn júrgizýge ázir tur. Atalmysh nysan qalanyń ortalyq saiabaǵyna qarasty «Demalys» aýmaǵynda turǵyzylady. Jalpy alatyn jer kólemi - 1,8556 gektar.
Eki qabattan turatyn ǵimaratta halyqtyń emin-erkin sporttyń kez kelgen túrimen shuǵyldanýyna barlyq múmkindikter qarastyrylmaq. Naqty atap aitar bolsaq, birinshi qabatynda kelýshilerdiń kiim ilý orny, er jáne áiel adamdarǵa jekelegen jýyný bólmeleri, kópshiliktiń tólem júrgizýi, meditsinalyq bólimshe, boks, kúres, voleibol,basketbol, tennis, fýtbol oinaýǵa qajetti zaldar oilastyrylǵan. Al ekinshi bóliginde ákimshilik bólmeleri, konferents jáne jinalys zaldary, 32 orynǵa arnalǵan tamaqtaný men shahmat oiyny alańy, qol shaiý syndy qajettiliktermen tolyqtai qamtamasyz etilmek. Sol sekildi qalǵan tómengi qabaty injenerlik-kommýnikatsiialyq jelilermen jabdyqtalady. Sonymen birge, múmkindigi shekteýli adamdar úshin kiris jáne shyǵys jerlerde pandýstar, tótenshe jaǵdai kezindegi shyǵý joldary men zalǵa kirý baǵyttarynda kótergish jabdyqtar jasalmaq. Al minberde arbadaǵy múgedek jandarǵa arnalǵan arnaiy oryndar da qarastyrylǵan. Jalpy, bul atalǵan keshen qurlysy mamyr aiynda júzege aspaq.
