Qapshaǵai sý qoimasynan 25 jáne 27 jastaǵy eki azamat qutqaryldy, dep habarlaidy Almaty oblystyq TJD baspasóz qyzmeti.
«2020 jyldyń 27 mamyrynda saǵat 22:38-de Almaty oblysynyń TJD-ne Qapshaǵai sý qoimasynyń soltústik jaǵalaýynda qaiyqqa mingen eki adamnyń jeldiń kúshimen jaǵadan alystap ketkendigi týraly habarlama tústi. Izdestirý-qutqarý jumystary júrgizilgen sátte qatty jel soǵyp, qutqarýshylarǵa aýa-raiy qolaisyzdyq týǵyzǵan. Sý qoimasynda joǵalǵandar jaǵadan segiz shaqyrym jerden tabyldy jáne qaýipsiz jerge jetkizildi. Qutqarylǵandar 1995, 1997 jyly dúniege kelgen Qapshaǵai qalasynyń turǵyndary. Olar sol sátte dostarymen demalysta bolǵan. Kómek týraly belgi olardyń tanystarynan kelip tústi, - delingen Almaty oblystyq TJD baspasóz qyzmeti taratqan habarlamada.
Vedomstvo ókilderi azamattardy saq bolýǵa jáne sýdaǵy qaýipsizdik erejelerin saqtaýǵa shaqyrady. Sýǵa shyǵar aldynda aýa raiyn bilip, sondai-aq qutqarý keýdeshelerin kiiýdi eske salady.
