قاپشاعاي سۋ قويماسىنان 25 جەنە 27 جاستاعى ەكٸ ازامات قۇتقارىلدى, دەپ حابارلايدى الماتى وبلىستىق تجد باسپاسٶز قىزمەتٸ.
«2020 جىلدىڭ 27 مامىرىندا ساعات 22:38-دە الماتى وبلىسىنىڭ تجد-نە قاپشاعاي سۋ قويماسىنىڭ سولتٷستٸك جاعالاۋىندا قايىققا مٸنگەن ەكٸ ادامنىڭ جەلدٸڭ كٷشٸمەن جاعادان الىستاپ كەتكەندٸگٸ تۋرالى حابارلاما تٷستٸ. ٸزدەستٸرۋ-قۇتقارۋ جۇمىستارى جٷرگٸزٸلگەن سەتتە قاتتى جەل سوعىپ, قۇتقارۋشىلارعا اۋا-رايى قولايسىزدىق تۋعىزعان. سۋ قويماسىندا جوعالعاندار جاعادان سەگٸز شاقىرىم جەردەن تابىلدى جەنە قاۋٸپسٸز جەرگە جەتكٸزٸلدٸ. قۇتقارىلعاندار 1995, 1997 جىلى دٷنيەگە كەلگەن قاپشاعاي قالاسىنىڭ تۇرعىندارى. ولار سول سەتتە دوستارىمەن دەمالىستا بولعان. كٶمەك تۋرالى بەلگٸ ولاردىڭ تانىستارىنان كەلٸپ تٷستٸ, - دەلٸنگەن الماتى وبلىستىق تجد باسپاسٶز قىزمەتٸ تاراتقان حابارلامادا.
ۆەدومستۆو ٶكٸلدەرٸ ازاماتتاردى ساق بولۋعا جەنە سۋداعى قاۋٸپسٸزدٸك ەرەجەلەرٸن ساقتاۋعا شاقىرادى. سۋعا شىعار الدىندا اۋا رايىن بٸلٸپ, سونداي-اق قۇتقارۋ كەۋدەشەلەرٸن كييۋدٸ ەسكە سالادى.
