Qapshaǵaida kópqabatty páterlerdiń biriniń balkonynda asylyp turǵan balanyń denesi tabyldy, dep habarlaidy QazAqparat.
«20 qazan kúni saǵat 07:30 shamasynda Qapshaǵai qalalyq politsiiasynyń kezekshi bólimine balkonda balanyń asylyp turǵany jóninde habarlama tústi. Qaitys bolǵan balanyń 13 jastaǵy jasóspirim ekeni anyqtaldy. Tergeý toby oqiǵany rastady. Qazir sotqa deiingi is tekserý jumystary júrgizilip jatyr. Atalǵan is QR Qylmystyq kodeksiniń 105-baby boiynsha tirkeldi», delingen Almaty oblystyq Politsiia departamenti baspasóz qyzmetiniń habarlamasynda.
Vedomstvonyń aqparatyna sáikes, ózge aqparat tergeý qupiialyǵyna bailanysty jariia etilmeidi.
