15 tamyzda Qapshaǵai sý qoimasynda 6 demalýshy qutqarylyp, jaǵaǵa jetkizildi,dep habarlaidy "Ult aqparat" QR IIM Tótenshe jaǵdailar komitetiniń resmi saityna silteme jasap.
Olar túnde 9 jergilikti motorly qaiyqpen serýenge shyqqan, janarmai taýsylyp qalǵandyqtan óz betinshe jaǵaǵa orala almaǵan.
Sondai-aq 15 tamyzda «Zolotye peski» demalys aimaǵy aýmaǵynda Qapshaǵai sý qoimasynda patrýldeý kezinde qutqarýshylar 1976 jyly týǵan áiel men 2008 jyly týǵan qyzdy qutqardy, bular da jaǵadan 40 metr qashyqtyqta bolǵan. Sonymen qatar, qutqarýshylar joǵalyp ketken 2015 jyly týǵan balany taýyp, týystaryna tapsyrdy.
15 tamyzda Balqash kólinde Sarqan aýdany Lepsi aýylynan 25 shaqyrym jerdegi «Sairan» demalys aimaǵynda qutqarýshylar 2014 jyly týǵan balany tapty.
Jyl basynan beri elimizdiń sý aidyndarynda qutqarýshylar 158 adamdy, onyń ishinde 33 balany ajaldan aman alyp qaldy. Al shomylý maýsymy bastalǵannan beri (1 maýsym) 136 adam qutqaryldy. Sonymen qatar, joǵalǵan 2 sańyraýqulaq jinaýshy tabyldy.
16 tamyzda Qostanai oblysy Jitiqara aýdany Jitiqara qalasynan 30 shaqyrym jerde qutqarýshylar men politsiia qyzmetkerleri 1962 jyly týǵan jáne 1957 jyly týǵan er adamdardy izdestirý jumystaryn júrgizdi, olar 14 tamyzda sańyraýqulaq terýge shyǵyp, qaityp oralmaǵan. Izdeý toby kúndiz Jetiqara qalasynan 30 shaqyrym jerdegi orman alqabynan joǵalyp ketkenderdi tapty.
