15 تامىزدا قاپشاعاي سۋ قويماسىندا 6 دەمالۋشى قۇتقارىلىپ, جاعاعا جەتكٸزٸلدٸ,دەپ حابارلايدى "ۇلت اقپارات" قر ٸٸم تٶتەنشە جاعدايلار كوميتەتٸنٸڭ رەسمي سايتىنا سٸلتەمە جاساپ.
ولار تٷندە 9 جەرگٸلٸكتٸ موتورلى قايىقپەن سەرۋەنگە شىققان, جانارماي تاۋسىلىپ قالعاندىقتان ٶز بەتٸنشە جاعاعا ورالا الماعان.
سونداي-اق 15 تامىزدا «زولوتىە پەسكي» دەمالىس ايماعى اۋماعىندا قاپشاعاي سۋ قويماسىندا پاترۋلدەۋ كەزٸندە قۇتقارۋشىلار 1976 جىلى تۋعان ەيەل مەن 2008 جىلى تۋعان قىزدى قۇتقاردى, بۇلار دا جاعادان 40 مەتر قاشىقتىقتا بولعان. سونىمەن قاتار, قۇتقارۋشىلار جوعالىپ كەتكەن 2015 جىلى تۋعان بالانى تاۋىپ, تۋىستارىنا تاپسىردى.
15 تامىزدا بالقاش كٶلٸندە سارقان اۋدانى لەپسٸ اۋىلىنان 25 شاقىرىم جەردەگٸ «سايران» دەمالىس ايماعىندا قۇتقارۋشىلار 2014 جىلى تۋعان بالانى تاپتى.
جىل باسىنان بەرٸ ەلٸمٸزدٸڭ سۋ ايدىندارىندا قۇتقارۋشىلار 158 ادامدى, ونىڭ ٸشٸندە 33 بالانى اجالدان امان الىپ قالدى. ال شومىلۋ ماۋسىمى باستالعاننان بەرٸ (1 ماۋسىم) 136 ادام قۇتقارىلدى. سونىمەن قاتار, جوعالعان 2 ساڭىراۋقۇلاق جيناۋشى تابىلدى.
16 تامىزدا قوستاناي وبلىسى جٸتٸقارا اۋدانى جٸتٸقارا قالاسىنان 30 شاقىرىم جەردە قۇتقارۋشىلار مەن پوليتسييا قىزمەتكەرلەرٸ 1962 جىلى تۋعان جەنە 1957 جىلى تۋعان ەر ادامداردى ٸزدەستٸرۋ جۇمىستارىن جٷرگٸزدٸ, ولار 14 تامىزدا ساڭىراۋقۇلاق تەرۋگە شىعىپ, قايتىپ ورالماعان. ٸزدەۋ توبى كٷندٸز جەتٸقارا قالاسىنان 30 شاقىرىم جەردەگٸ ورمان القابىنان جوعالىپ كەتكەندەردٸ تاپتى.
