Foto: astanatv.kz
Kólikke bailanǵan kapotpen syrǵanaimyz dep oqys jaǵdaida qaza bolǵan qyzdyń ólimine qatysty jańa málimet belgili boldy, - dep habarlaidy Tengrinews.kz saity "Moi gorod" basylymyna silteme jasap.
BQO-daǵy Vetelki aýylynda 17 jastaǵy qyz dostarymen kólikke eski kapotty bailap, syrǵanaǵan. Oiyn saldarynan ol esin jimastan kóz jumǵan.
Marqum Oraldaǵy pedagogikalyq kolledjdiń 3-kýrs stýdenti bolǵan. Kýratory Lázzat Esenova stýdenttiń ólimin ata-anasynan bilgenin aitty. Qyz bastaýysh synyptarǵa aǵylshyn tilin úiretetin muǵalim mamandyǵyn oqyp jatqan.
"Ata-anasynyń aitýynsha, qaiǵyly oqiǵa bolǵan kúni Aiaýlym dostarymen birge shyǵyp kelýge suranǵan. Olar alǵashynda jibermegen, keiin jarty saǵatqa shyǵyp kelýge ruqsat bergen.
Olar tórteýi bolǵan: eki ul jáne eki qyz. Ata-anasynyń aitýynsha, dostarynyń biri kólik júrgizedi jáne olar soǵan kapotty bekitip, syrǵanamaq bolǵan. Odan shana jasaǵan. Basqalary sekirip úlgergen, biraq qyz ortada otyrǵandyqtan qashyp qutyla almaǵan deidi.
Baǵanany soqqan sátte qyzdyń aýzynan qan aqqan. Balalar qatty qoryqqan. Ýaqytty bosqa ótkizbeý úshin ony jedel járdemge qarsy taksimen alyp shyqqan. Ol jolda (aýrýhanaǵa) qaza boldy", - dedi Lázzat Esenova.
Kýrator marqum qyzdyń qabiletti stýdent ekenin atap ótti. Ol grantta oqyǵan, kópshil, kóńildi qyz bolǵan.
