فوتو: astanatv.kz
كٶلٸككە بايلانعان كاپوتپەن سىرعانايمىز دەپ وقىس جاعدايدا قازا بولعان قىزدىڭ ٶلٸمٸنە قاتىستى جاڭا مەلٸمەت بەلگٸلٸ بولدى, - دەپ حابارلايدى Tengrinews.kz سايتى "موي گورود" باسىلىمىنا سٸلتەمە جاساپ.
بقو-داعى ۆەتەلكي اۋىلىندا 17 جاستاعى قىز دوستارىمەن كٶلٸككە ەسكٸ كاپوتتى بايلاپ, سىرعاناعان. ويىن سالدارىنان ول ەسٸن جيماستان كٶز جۇمعان.
مارقۇم ورالداعى پەداگوگيكالىق كوللەدجدٸڭ 3-كۋرس ستۋدەنتٸ بولعان. كۋراتورى لەززات ەسەنوۆا ستۋدەنتتٸڭ ٶلٸمٸن اتا-اناسىنان بٸلگەنٸن ايتتى. قىز باستاۋىش سىنىپتارعا اعىلشىن تٸلٸن ٷيرەتەتٸن مۇعالٸم ماماندىعىن وقىپ جاتقان.
"اتا-اناسىنىڭ ايتۋىنشا, قايعىلى وقيعا بولعان كٷنٸ اياۋلىم دوستارىمەن بٸرگە شىعىپ كەلۋگە سۇرانعان. ولار العاشىندا جٸبەرمەگەن, كەيٸن جارتى ساعاتقا شىعىپ كەلۋگە رۇقسات بەرگەن.
ولار تٶرتەۋٸ بولعان: ەكٸ ۇل جەنە ەكٸ قىز. اتا-اناسىنىڭ ايتۋىنشا, دوستارىنىڭ بٸرٸ كٶلٸك جٷرگٸزەدٸ جەنە ولار سوعان كاپوتتى بەكٸتٸپ, سىرعاناماق بولعان. ودان شانا جاساعان. باسقالارى سەكٸرٸپ ٷلگەرگەن, بٸراق قىز ورتادا وتىرعاندىقتان قاشىپ قۇتىلا الماعان دەيدٸ.
باعانانى سوققان سەتتە قىزدىڭ اۋزىنان قان اققان. بالالار قاتتى قورىققان. ۋاقىتتى بوسقا ٶتكٸزبەۋ ٷشٸن ونى جەدەل جەردەمگە قارسى تاكسيمەن الىپ شىققان. ول جولدا (اۋرۋحاناعا) قازا بولدى", - دەدٸ لەززات ەسەنوۆا.
كۋراتور مارقۇم قىزدىڭ قابٸلەتتٸ ستۋدەنت ەكەنٸن اتاپ ٶتتٸ. ول گرانتتا وقىعان, كٶپشٸل, كٶڭٸلدٸ قىز بولعان.
