QR Respýblikasy Prezidenti Ákimshiliginiń kelisimimen jáne oblys ákiminiń ókimimen Mańǵystaý oblysy ákiminiń orynbasary bolyp Qanybek Jumashev taǵaiyndaldy, dep habarlaidy "Ult aqparat".
Qanybek Bekbolatuly 1970 jyly Mańǵystaý oblysynyń Jetibai aýylynda týǵan. Bilimi joǵary.
Eńbek jolyn 1992 jyly «Qarajanbasmunai» aktsionerlik qoǵamynda injener-himik qyzmetinen bastady.
1997-2010 jyldary bilim salasynda basshy laýazymdarda qyzmet atqardy jáne Mańǵystaý oblysy ákiminiń áleýmettik suraqtar boiynsha keńesshisi boldy.
2010-2012 jyldary Mańǵystaý oblysy ákiminiń orynbasary boldy.
2012-2014 jyldary «Nur Otan» partiiasynyń Mańǵystaý oblysy filialy tóraǵasynyń birinshi orynbasary, 2014-2015 jyldary «Nur Otan» partiiasy Ortalyq apparaty jetekshisiniń orynbasary, keiin «Nur Otan» partiiasy Tóraǵasynyń birinshi orynbasarynyń keńesshisi.
2015 jyldyń qarasha aiynan bastap qazirgi ýaqytqa deiin «Nur Otan» partiiasynyń Hatshysy qyzmetin atqaryp keldi.
