Qańtar oqiǵasy boiynsha 1700 jeke jáne zańdy tulǵa qylmystyq ister boiynsha jábirlenýshi dep tanyldy. QR Ishki ister ministrligi tergeý departamentiniń bastyǵy Sanjar Ádilov ortalyq kommýnikatsiialar qyzmetinde ótken brifingide osyndai statistika keltirdi, dep habarlaidy QazAqparat.
«Barlyǵy 1 700 jeke jáne zańdy tulǵa qylmystyq ister boiynsha jábirlenýshi bolyp tanyldy. 13 myńnan astam azamattan kýá jáne jábirlenýshi retinde jaýap alyndy. 2400-nan astam saraptama taǵaiyndaldy. Politsiia organdarynyń jumysy, eń aldymen, zardap shekken azamattarǵa, biznes ókilderine járdem kórsetýge jáne keltirilgen zalaldyń ornyn toltyrý boiynsha sharalarǵa baǵyttalǵanyn erekshe atap ótkim keledi. Osy maqsatta azamattardyń jáne kásipkerlik sýbektilerden urlanǵan múlikti tabý jáne alý boiynsha qarqyndy jumys júrgizilip jatyr», - degen IIM ókili búgingi tańda somasy 338 million teńgeni quraityn urlanǵan múlik tárkilengenin atap ótti.
«Onyń ishinde 12 avtomashina, 319 turmystyq tehnika, 189 zergerlik buiym, 286 uialy telefon, 546 kiim, 16 million teńge bar. Mysaly, Almaty qalasynda Almaty oblysynyń turǵyny ustaldy. Ol 6 qańtarda basqa adamdarmen toptasyp, jappai tártipsizdikti paidalana otyryp, Halyq banki filialynyń kiretin esigin buzyp, kompiýterler men teledidarlardy urlaǵan. Urlanǵan zattar alyndy, ustalǵan adam kúzetpen ustaýǵa alyndy, onyń sybailastaryna qatysty izdestirý is-sharalary júrgizilýde», - dedi Sanjar Ádilov.
Sondai-aq Aqtóbe qalasynyń jumys istemeitin turǵynyna qandai aiyp taǵylyp otyrǵanyn aitty.
«Ol 6 qańtarda Almaty qalasynda bolǵan jappai tártipsizdik barysynda Seifýllin kóshesindegi «Tehnodom» saýda úiinen jalpy somasy 510 myń teńge kompiýterdiń eki protsessoryn jáne úsh uialy telefondy urlaǵan. Sottyń sanktsiiasymen kúdikti kúzetpen ustaýǵa alyndy. Bul rette onyń Raiymbek kóshesinde ornalasqan «Maksima» saýda-oiyn saýyq ortalyǵynan kiim urlaýǵa qatysy bary anyqtaldy. Eki epizod boiynsha urlanǵan zattar alyndy», -dedi IIM tergeý departamentiniń bastyǵy.
