قاڭتار وقيعاسى بويىنشا 1700 جەكە جەنە زاڭدى تۇلعا قىلمىستىق ٸستەر بويىنشا جەبٸرلەنۋشٸ دەپ تانىلدى. قر ٸشكٸ ٸستەر مينيسترلٸگٸ تەرگەۋ دەپارتامەنتٸنٸڭ باستىعى سانجار ەدٸلوۆ ورتالىق كوممۋنيكاتسييالار قىزمەتٸندە ٶتكەن بريفينگٸدە وسىنداي ستاتيستيكا كەلتٸردٸ, دەپ حابارلايدى قازاقپارات.
«بارلىعى 1 700 جەكە جەنە زاڭدى تۇلعا قىلمىستىق ٸستەر بويىنشا جەبٸرلەنۋشٸ بولىپ تانىلدى. 13 مىڭنان استام ازاماتتان كۋە جەنە جەبٸرلەنۋشٸ رەتٸندە جاۋاپ الىندى. 2400-نان استام ساراپتاما تاعايىندالدى. پوليتسييا ورگاندارىنىڭ جۇمىسى, ەڭ الدىمەن, زارداپ شەككەن ازاماتتارعا, بيزنەس ٶكٸلدەرٸنە جەردەم كٶرسەتۋگە جەنە كەلتٸرٸلگەن زالالدىڭ ورنىن تولتىرۋ بويىنشا شارالارعا باعىتتالعانىن ەرەكشە اتاپ ٶتكٸم كەلەدٸ. وسى ماقساتتا ازاماتتاردىڭ جەنە كەسٸپكەرلٸك سۋبەكتٸلەردەن ۇرلانعان مٷلٸكتٸ تابۋ جەنە الۋ بويىنشا قارقىندى جۇمىس جٷرگٸزٸلٸپ جاتىر», - دەگەن ٸٸم ٶكٸلٸ بٷگٸنگٸ تاڭدا سوماسى 338 ميلليون تەڭگەنٸ قۇرايتىن ۇرلانعان مٷلٸك تەركٸلەنگەنٸن اتاپ ٶتتٸ.
«ونىڭ ٸشٸندە 12 اۆتوماشينا, 319 تۇرمىستىق تەحنيكا, 189 زەرگەرلٸك بۇيىم, 286 ۇيالى تەلەفون, 546 كيٸم, 16 ميلليون تەڭگە بار. مىسالى, الماتى قالاسىندا الماتى وبلىسىنىڭ تۇرعىنى ۇستالدى. ول 6 قاڭتاردا باسقا ادامدارمەن توپتاسىپ, جاپپاي تەرتٸپسٸزدٸكتٸ پايدالانا وتىرىپ, حالىق بانكٸ فيليالىنىڭ كٸرەتٸن ەسٸگٸن بۇزىپ, كومپيۋتەرلەر مەن تەلەديدارلاردى ۇرلاعان. ۇرلانعان زاتتار الىندى, ۇستالعان ادام كٷزەتپەن ۇستاۋعا الىندى, ونىڭ سىبايلاستارىنا قاتىستى ٸزدەستٸرۋ ٸس-شارالارى جٷرگٸزٸلۋدە», - دەدٸ سانجار ەدٸلوۆ.
سونداي-اق اقتٶبە قالاسىنىڭ جۇمىس ٸستەمەيتٸن تۇرعىنىنا قانداي ايىپ تاعىلىپ وتىرعانىن ايتتى.
«ول 6 قاڭتاردا الماتى قالاسىندا بولعان جاپپاي تەرتٸپسٸزدٸك بارىسىندا سەيفۋللين كٶشەسٸندەگٸ «تەحنودوم» ساۋدا ٷيٸنەن جالپى سوماسى 510 مىڭ تەڭگە كومپيۋتەردٸڭ ەكٸ پروتسەسسورىن جەنە ٷش ۇيالى تەلەفوندى ۇرلاعان. سوتتىڭ سانكتسيياسىمەن كٷدٸكتٸ كٷزەتپەن ۇستاۋعا الىندى. بۇل رەتتە ونىڭ رايىمبەك كٶشەسٸندە ورنالاسقان «ماكسيما» ساۋدا-ويىن ساۋىق ورتالىعىنان كيٸم ۇرلاۋعا قاتىسى بارى انىقتالدى. ەكٸ ەپيزود بويىنشا ۇرلانعان زاتتار الىندى», -دەدٸ ٸٸم تەرگەۋ دەپارتامەنتٸنٸڭ باستىعى.
