Qazaqstanda qańtardaǵy tártipsizdikterge qatysqany úshin 168 adam sottaldy. Bul týraly IIM Tergeý basqarmasynyń bastyǵy Sanjar Ádilov málimdedi, - dep habarlaidy Tengrinews.kz tilshisi.
Ádilovtyń aitýynsha, qazir tergeýshilerdiń óndirisinde 1090 qylmystyq is jatyr. Aýyr jáne asa aýyr qylmystar boiynsha 165 adam qamaýda.
Tulǵany eskere otyryp, 315 kúdikti qamaýdan bosatylǵan. Bul birinshi ret qylmys jasap, kinásin moiyndaǵan adamdar. 377 kúdiktige qatysty qylmystyq isti tergeý aiaqtalyp, sotqa joldanǵan. Qylmystyq is júrgizý kodeksiniń 300-babyna sáikes 242 is joldanyp, 229 is sotqa ótken. Ádilovtyń aitýynsha, olar negizinen urlyq jasaǵan - 196 adam, qarýdy zańsyz ainalymǵa túsirdi degen kúdikpen - 39 adam, tonaý, urlyq jáne usaq urlyq jasady degen kúdikke ilingen – árqaisynan úsh adamnan.
"Búginge deiin 168 adamdy sottalǵan. Onyń ishinde gýmanizm qaǵidattaryn basshylyqqa ala otyryp, tolyq ókiný jáne keltirilgen ziiandy óteý boiynsha qabyldanǵan sharalardy eskere otyryp, 147 adam qoǵamnan oqshaýlaýmen bailanysty emes jazaǵa kesildi. Sottalǵandardyń kinási negizinen qylmys bolǵan jerdegi beinejazbalar, kýálar men kýágerlerdiń aiǵaqtary, sondai-aq alynǵan zattai aiǵaqtarmen dáleldengen", - dedi Ádilov.
Qalǵan qylmystyq ister óndiriste.
