قازاقستاندا قاڭتارداعى تەرتٸپسٸزدٸكتەرگە قاتىسقانى ٷشٸن 168 ادام سوتتالدى. بۇل تۋرالى ٸٸم تەرگەۋ باسقارماسىنىڭ باستىعى سانجار ەدٸلوۆ مەلٸمدەدٸ, - دەپ حابارلايدى Tengrinews.kz تٸلشٸسٸ.
ەدٸلوۆتىڭ ايتۋىنشا, قازٸر تەرگەۋشٸلەردٸڭ ٶندٸرٸسٸندە 1090 قىلمىستىق ٸس جاتىر. اۋىر جەنە اسا اۋىر قىلمىستار بويىنشا 165 ادام قاماۋدا.
تۇلعانى ەسكەرە وتىرىپ, 315 كٷدٸكتٸ قاماۋدان بوساتىلعان. بۇل بٸرٸنشٸ رەت قىلمىس جاساپ, كٸنەسٸن مويىنداعان ادامدار. 377 كٷدٸكتٸگە قاتىستى قىلمىستىق ٸستٸ تەرگەۋ اياقتالىپ, سوتقا جولدانعان. قىلمىستىق ٸس جٷرگٸزۋ كودەكسٸنٸڭ 300-بابىنا سەيكەس 242 ٸس جولدانىپ, 229 ٸس سوتقا ٶتكەن. ەدٸلوۆتىڭ ايتۋىنشا, ولار نەگٸزٸنەن ۇرلىق جاساعان - 196 ادام, قارۋدى زاڭسىز اينالىمعا تٷسٸردٸ دەگەن كٷدٸكپەن - 39 ادام, توناۋ, ۇرلىق جەنە ۇساق ۇرلىق جاسادى دەگەن كٷدٸككە ٸلٸنگەن – ەرقايسىنان ٷش ادامنان.
"بٷگٸنگە دەيٸن 168 ادامدى سوتتالعان. ونىڭ ٸشٸندە گۋمانيزم قاعيداتتارىن باسشىلىققا الا وتىرىپ, تولىق ٶكٸنۋ جەنە كەلتٸرٸلگەن زيياندى ٶتەۋ بويىنشا قابىلدانعان شارالاردى ەسكەرە وتىرىپ, 147 ادام قوعامنان وقشاۋلاۋمەن بايلانىستى ەمەس جازاعا كەسٸلدٸ. سوتتالعانداردىڭ كٸنەسٸ نەگٸزٸنەن قىلمىس بولعان جەردەگٸ بەينەجازبالار, كۋەلار مەن كۋەگەرلەردٸڭ ايعاقتارى, سونداي-اق الىنعان زاتتاي ايعاقتارمەن دەلەلدەنگەن", - دەدٸ ەدٸلوۆ.
قالعان قىلمىستىق ٸستەر ٶندٸرٸستە.
