Qańtardaǵy jappai tártipsizdikter kezinde qoldy bolǵan 2026 qarý áli tabylmady. Bul týraly QR IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Qańtar oqiǵasy» kezinde urlanǵan 1,5 myń dana qarýdy azamattar óz erkimen tapsyrdy. Osy oraida olardyń azamat retindegi joǵary úlesin atap ótý kerek. Ókinishke qarai, qazirgi tańda jappai tártipsizdikter kezinde urlanǵan 2026 dana qarýdyń qai jerde ekeni belgisiz. Sondyqtan qoldy bolǵan qarýlardy izdep tabý jumysy jalǵasyp jatyr», - dedi Sanjar Ádilov Ortalyq kommýnikatsiialar qyzmetinde ótken brifingide.
Sondai-aq Ishki ister ministrliginiń ókili azamattardy zańsyz saqtap otyrǵan qarýdy tapsyrýǵa shaqyrdy.
«Zańsyz saqtalǵan qarýlardy tapsyrýǵa shaqyramyn. Qarýdy óz erkimen tapsyrǵan jaǵdaida qylmystyq jáne ózge de jaýapkershilikten bosatýǵa kepildik beriledi», - deidi ol.
