QR Bas prokýratýrasynyń 1 qyzmet bastyǵynyń orynbasary Eldos Qilymjanov qańtar oqiǵasynda Lexus kóligimen qarý taratqan 3 kúdikti týraly aitty, dep habarlaidy QazAqparat.
«Almaty qalasynda 6 qańtarda «Kóktóbe» telemunarasynyń ǵimaratyn basyp alýǵa oqtalǵan bul oqiǵalardyń basqa qatysýshysy anyqtaldy. Strategiialyq nysandy basyp alýdyń negizgi maqsaty - jalǵan aqparat taratý arqyly azamattardyń kóshege shyǵýyn úgitteý úshin teledidar men radioarnalardyń jumysyn baqylaý bolǵan. Quqyqtyq tártip kúshteri strategiialyq nysandy basyp alýǵa jol bermedi. Kúdikti adam sottyń sanktsiiasymen qamaýda», - dedi ol Ortalyq kommýnikatsiialar qyzmetinde ótken brifingide.
Sondai-aq ol Almatydaǵy «Anna» qarý-jaraq dúkenin tonady dep kúdikke ilngen 3 azamat týraly málimet berdi.
«Olar 5 qańtarda Lexus markaly avtokólikpen Almaty qalasy «Respýblika» alańynyń aldyna urlanǵan qarýlardy taratqan.
Bas prokýratýra feik aqparat taratqany úshin qylmystyq jaýaptylyq týraly birneshe ret eskertti.
Aqmola oblysynda osyndai isterdiń biri boiynsha 3 jyl 6 ai bas bostandyǵyn shekteý túrindegi jaza taǵaiyndaýmen úkim shyǵaryldy», - dedi Eldos Qilymjanov.
