Qańtarda 800 myń sharshy metr turǵyn úi paidalanýǵa berildi. Bul týraly búgin Úkimet otyrysynda QR Ulttyq ekonomika ministri Áset Erǵaliev aitty, dep habarlaidy QazAqparat.
«Barlyq óńirlerde qurylys jumystary belsendi júrgizilýde. Qurylys jumystarynyń qarqyndy júrýi Túrkistan jáne Qyzylorda oblystarynda, sondai-aq Shymkent qalasynda baiqalady», - dedi Áset Erǵaliev.
Jalpy alǵanda, onyń deregine sáikes, atqarylǵan qurylys jumystarynyń kólemi 7 paiyzǵa ósip otyr.
«Turǵyn úilerdi paidalanýǵa berýdiń ósýi jalǵasýda. 2021 jyldyń qańtarynda 801 myń sharshy metr turǵyn úi paidalanýǵa berildi. Bul ótken jylǵy kezeńmen salystyrǵanda 9,4 paiyzǵa joǵary», - dedi ministr.
