Foto: basnews.kz
Qazgidromet qańtar aiyna arnalǵan aýa raiy boljamyn jariialady, dep habarlaidy Ult.kz.
Jańa jyldyń alǵashqy onkúndiginde Atlantikalyq tsiklondardyń áseri seziledi. Sol sebepti aýa raiy turaqsyz bolady.
"Respýblikanyń soltústigi men ońtústigi, ońtústik-shyǵys, shyǵysynyń taýly aýdandarynda burqasynmen qar, keide qatty qar boljanady, eldiń ońtústik jartysynda jaýyn-shashyn jylbysqy qar, jańbyr túrinde kútiledi. Qazaqstannyń basym bóliginde jel 15-20 m/s-deiin kúsheiedi, keide ekpini 23-28 m/s jetedi, eldiń soltústik-batys jartysynda jel 30 m/s deiin jáne odan da kóp bolýy yqtimal", - deidi sinoptikter.
1-10 qańtardaǵy aýa raiynyń temperatýrasy:
batysta túnde -5+2°S-tan -3-12°S-qa deiin, kúndiz -3+5°S-tan 0,-8°S-qa deiin;
soltústik-batysynda túnde 0,-7°S-tan -10-20°S-qa deiin, kúndiz -5+2°S-tan -8-13°S-qa deiin;
soltústik, ortalyq pen shyǵysta túnde -5-13°S-tan 0,-8°S-qa deiin, kúndiz -2-8°S-tan -3+2°S-qa deiin azdap joǵarylaýy, sodan keiin túnde aýa temperatýrasynyń -10-20°S-qa deiin, kúndiz -5-12°S deiin;
ońtústik pen ońtústik-shyǵysta túnde -8+2°S, kúndiz -3+7°S shamasynda, sodan keiin túnde aýa temperatýrasynyń -8-15°S, kúndiz -3-10°S deiin.
Al ońtústik tsiklondardyń kelýimen aýa temperatýrasy kóteriledi, tipti, birneshe qarqyndy jylý tolqyndary bolady.
soltústik jartysynda kúndiz -5+2°S deiin,
eldiń ońtústik jartysynda jáne ońtústik-batysynda +2+12°S deiin.
Biraq soltústik-batys antitsiklonnyń enýine bailanysty birneshe qarqyndy sýyq tolqyndar boljanady, bul kúnderi aýa temperatýrasy tómendeidi.
soltústik jartysynda jáne ortalyǵynda túnde -25-35°S deiin, kúndiz -15-25°S deiin,
respýblikanyń ońtústik jartysynda jáne ońtústik-batysynda túnde -12-22°S deiin, kúndiz -3-15°S deiin.
Qańtarda ekpindi jel, tuman, kóktaiǵaq jii boljanady.
Aita keteri, bir aiǵa arnalǵan boljamdy konsýltativtik retinde paidalaný kerek. Ol keiinnen sinoptikalyq jaǵdaidyń ózgerýine qarai túzetiledi jáne onkúndikke jáne 2-3 táýlikke arnalǵan aýa raiy boljamymen naqtylanady.
