Bas prokýratýranyń 1 qyzmet bastyǵynyń orynbasary Eldos Qilymjanov Almaty qalasy áýejaiynyń jelilik politsiia bóliminiń burynǵy bastyǵy ne úshin ustalǵanyn aitty, dep habarlaidy QazAqparat.
«Almaty qalasy áýejaiynyń Jelilik politsiia bóliminiń bastyǵy ustaldy. Ol óziniń qyzmettik mindetterin oryndamady, áýejaidy kúzetsiz qaldyrdy. Osylaisha áýejaidy basyp alýǵa jol berdi. Saldarynan áýejaiǵa aitarlyqtai ziian keldi. Onyń infraqurylymy buzyldy, kásipkerlerdiń múlki urlanyp, jolaýshylardyń ómiri men densaýlyǵyna naqty qaýip tóndi», - dedi ol Ortalyq kommýnikatsiialar qyzmetinde ótken brifingide.
Eldos Qilymjanov sol kezde áýejaida 165 qaýipsizdik qyzmetkeri, onyń ishinde 40 politsiia qyzmetkeri, 65 shekarashy, 60 aviatsiialyq qaýipsizdik qyzmetkeri bolǵanyn atap ótti.
«Olardyń barlyǵy da shabýylǵa toitarys berý úshin jetkilikti atys qarýlarymen qamtamasyz etilgen bolatyn», - dedi QR Bas prokýratýrasynyń 1 qyzmet bastyǵynyń orynbasary.
