باس پروكۋراتۋرانىڭ 1 قىزمەت باستىعىنىڭ ورىنباسارى ەلدوس قيلىمجانوۆ الماتى قالاسى ەۋەجايىنىڭ جەلٸلٸك پوليتسييا بٶلٸمٸنٸڭ بۇرىنعى باستىعى نە ٷشٸن ۇستالعانىن ايتتى, دەپ حابارلايدى قازاقپارات.
«الماتى قالاسى ەۋەجايىنىڭ جەلٸلٸك پوليتسييا بٶلٸمٸنٸڭ باستىعى ۇستالدى. ول ٶزٸنٸڭ قىزمەتتٸك مٸندەتتەرٸن ورىندامادى, ەۋەجايدى كٷزەتسٸز قالدىردى. وسىلايشا ەۋەجايدى باسىپ الۋعا جول بەردٸ. سالدارىنان ەۋەجايعا ايتارلىقتاي زييان كەلدٸ. ونىڭ ينفراقۇرىلىمى بۇزىلدى, كەسٸپكەرلەردٸڭ مٷلكٸ ۇرلانىپ, جولاۋشىلاردىڭ ٶمٸرٸ مەن دەنساۋلىعىنا ناقتى قاۋٸپ تٶندٸ», - دەدٸ ول ورتالىق كوممۋنيكاتسييالار قىزمەتٸندە ٶتكەن بريفينگٸدە.
ەلدوس قيلىمجانوۆ سول كەزدە ەۋەجايدا 165 قاۋٸپسٸزدٸك قىزمەتكەرٸ, ونىڭ ٸشٸندە 40 پوليتسييا قىزمەتكەرٸ, 65 شەكاراشى, 60 اۆياتسييالىق قاۋٸپسٸزدٸك قىزمەتكەرٸ بولعانىن اتاپ ٶتتٸ.
«ولاردىڭ بارلىعى دا شابۋىلعا تويتارىس بەرۋ ٷشٸن جەتكٸلٸكتٸ اتىس قارۋلارىمەن قامتاماسىز ەتٸلگەن بولاتىن», - دەدٸ قر باس پروكۋراتۋراسىنىڭ 1 قىزمەت باستىعىنىڭ ورىنباسارى.
