QR Parlamenti Májilisiniń tóraǵasy Erlan Qoshanov qańtar oqiǵasynyń tergeý barysy depýttardyń nazarynda bolatynyn málim etti, dep habarlaidy QazAqparat.
«Búin biz qańtar oqiǵalaryna qatysty máselelerdi alǵash ret osyndai keń formatta talqylap otyrmyz. Búgin áńgime meilinshe ashyq boldy dep oilaimyn. Árine mán-jaidy tolyq anyqtaý úshin áli de biraz ýaqyt qajet. Zańdyq turǵydan barlyǵy minsiz boýly qajet. Asyǵystyq tanytýǵa bolmaidy. Sebebi tarazy basynda bizdiń azamattardyń taǵdyry tur. Bul jóninde Prezidenttiń «Kinásiz adam jazaǵa tartylmaýy tiis. Kináliler zań júzinde qatań jazalanýy tiis» degen tapsyrmasy bar. Osy tapsyrma múltkisiz oryndalýy kerek», - dedi Erlan Qoshanov Májilistiń jalpy otyrsynda.
Spiker atalǵan másele ári qarai da Májilis depýtattarynyń baqylaýynda bolatynyn aitty.
«Májilis depýttarynyń búgin aitylǵan syn pikirleri men usynystary quqyq qorǵaý organdarynyń basty nazarynda bolady dep oilaimyn. Árine, bul máseleler búgingi otyryspen ǵana shektelmeidi. Depýtattar osy máselelerdi ár túrli salalyq komitetterdiń nemese fraktsiialardyń otyrystarynda qajetti jaǵdaida talqylap otyratyn bolady», - dedi Májilis tóraǵasy.
