Arandatýshylar qoǵam ókilderi men halyqty paidalandy. Bul týraly belgili advokat Abzal Quspan aitty, dep habarlaidy QazAqparat.
«Qańtar aiynyń alǵashqy kúnderinde osyndai áreketter - jappai tártipsizdikti uiymdastyrýshylar tarapynan anyq kórinis tapty, ókinishtisi sol - osy maqsatta olar qarapaiym qoǵam ókilderin, halyqty paidalanǵany», - dedi Abzal Quspan Májilistiń jalpy otyrysynda.
Budan bólek ol aldaǵy ýaqytta jergilikti prokýratýra organdary óz qyzmetterindegi mynadai kemshilikterge nazar aýdarýyn surady:
- bir el, bir qylmystyq jáne qylmystyq protsestik kodeks bola tura, ár óńirdegi tájiribeniń ártúrliligi;
- jergilikti jerdegi quqyq qorǵaý organdarynyń basshylyǵy jaǵdaidyń qoǵamdyq, áleýmettik, saiasi mańyzyn túsine bermeidi;
- qoǵam ókilderimen, azamattarmen jumys basynan bastap durys jolǵa qoiylmaǵan;
- áleýmettik jeliniń qazaq tildi segmentine monitoring jasamaidy.
«Qylmystyq-protsestik kodekstegi tergeý qupiiasyn aldyǵa tartyp, negizgi jaýapkershilikti sot organdaryna júktep, ózderinen ysyra salǵysy keletindei syńai baiqalady», - dedi A. Quspan.
