Qańtardaǵy tártipsizdikterdi tergeý jónindegi "Aqiqat" komissiianyń basshysy, advokat Aiman Omarova qaiǵyly oqiǵaǵa ne sebep bolǵanyn aitty, dep habarlaidy Sputnik Qazaqstan.
"Oqiǵaǵa Mańǵystaý oblysynda gaz baǵasynyń kóterilýi trigger boldy, alaida qańtar oqiǵalaryna keiingi 5-6 jylda jinalǵan áleýmettik-ekonomikalyq problemalar ǵana sebep boldy dep aitý qiyn", - deidi Aiman Omarova.
Ol bilik ózgermeitin elde, qoǵamnyń barlyq salasynda sybailas jemqorlyq jailap, ulttyq resýrstar oligarhtar dep atalatyn adamdardyń belgili bir tobynda bolǵan kezde mundai oqiǵalardy ainalyp ótý múmkin bolmaǵanyn aitty.
"Halyqtyń seniminen baiaǵyda aiyrylǵan quqyq qorǵaý organdaryn, sondai-aq sot júiesin aitpasa bolmaidy. Ásirese, basshylyǵy men qyzmetkerleri basqa quqyq qorǵaý organdaryna, prokýratýraǵa jáne tipti sottarǵa ǵana emes, is júzinde sheksiz bilikke ie bolǵan UQK qyzmetine nazar aýdarǵym keledi", - dedi Aiman Omarova.
Omarovanyń aitýynsha, qańtar oqiǵalaryna kem degende eki jyl daiyndyq júrgizilgen. Alaida terroristik toptardyń bar ekeni týraly qaýeset odan buryn da taraǵan.
"Kóptegen adam munyń bári beibit mitingilerden bastaldy dep qatelesip otyr. Shyndyǵyna kelgende bári áldeqaida erterek, oqiǵalarǵa aqparattyq daiyndyqtan bastaldy. Beibit mitingiler – biz óz kózimizben kórgenimizdiń basy. Eger oqiǵalardy shartty túrde bólsek, onda olar oqiǵalarǵa aqparattyq daiyndyqtan, odan ári – aqparattyq soǵystan jáne kóshedegi oqiǵalardan turady", - dep atap ótti ol.
