Árbir protsestik sheshim zańmen talap etiletin bolǵandyqtan, prokýratýramen kelisiledi. Bul týraly Májilistiń jalpy otyrysynda qańtar oqiǵasyna qatysty máselelerdi qaraý kezinde Sybailas jemqorlyqqa qarsy is-qimyl agenttiginiń tóraǵasy Oljas Bektenov málim etti, dep habarlaidy QazAqparat.
«Kóptegen aryzdanýshylar maska taqqan jáne kaska kigen politsiia qyzmetkerlerin atap kórsetedi, iaǵni olardyń tipti júzderin de kórmegen, attaryn da bilmeidi. Qazir tergeý aryzdanýshylar men kýágerler bergen irili-usaqty aiǵaqtar jáne beinebaqylaý kameralarynan saqtalǵan jazbalar arqyly qańtar oqiǵasyn egjei-tegjeili zerdeleýde. Bul jumys kóptegen beinebaqylaý kameralarynyń jumys istemeýimen ne tártipsizdikter kezinde keibireýleriniń buzylyp qalýymen qiyndyq týdyryp otyr. Ótinish berýshilerdiń kóbine tártipsizdikterge belsendi qatysýshy degen kúdik taǵylýda. Jaraqattar kóshedegi tártipsizdikter kezinde alynýy múmkin degen nusqa joqqa shyǵarylmaidy. Sondyqtan tergeý áreketteri aryzdanýshylardyń dene jaraqattaryn alý kezeńin anyqtaýǵa baǵyttalǵan. Barlyq qylmystyq ister boiynsha qajetti sot saraptamalary taǵaiyndaldy», - dedi O. Bektenov.
Onyń aitýynsha, qazirgi ýaqytta 46 aryzdanýshydan jeńil dene jaraqaty, altaýynan ortasha dene jaraqaty anyqtalǵany belgili boldy. Bul rette, 25 adamnan dene jaraqaty anyqtalmaǵan.
«Eger tergeý barysynda olarǵa fizikalyq jáne psihikalyq yqpaldar korsetilgeni zańdy áreketter nátijesinde anyqtalsa, sotqa deiingi tergep-tekserý QK-niń 146-babyna sáikes toqtatylatyn bolady. Bizdiń ister boiynsha qazirgi ýaqytta politsiia qyzmetkerleri kúdikti retinde tanylmaǵan. Árbir protsestik sheshim zańmen talap etiletin bolǵandyqtan, prokýratýramen kelisiledi. Tergeý jalǵasýda jáne baqylaýda», - dedi agenttik basshysy.
