Qańtar oqiǵasyna qatysty 2 750 qylmystyq is tergelýde. Bul týraly QR Bas prokýratýrasy 1-qyzmet bastyǵynyń orynbasary Eldos Qilymjanov aitty, dep habarlaidy QazAqparat.
«Bas prokýratýra qańtar oqiǵasynda bolǵan qylmystardyń tergelýin, azamattardyń konstitýtsiialyq quqyqtaryn, zańdylyqtyń saqtalýyn qadaǵalaýdy jalǵastyryp keledi. Búgingi kúni 2 750 qylmystyq is tergelýde. 802 kúdikti sot sanktsiiasymen qamaýǵa alyndy. Al 91 tulǵaǵa bultartpaý sharasy qoldanyldy. Qamaýǵa alynǵandardyń 113-i - sotty bolǵan, kisi óltirý, urlyq, tonaý jáne qaraqshylyq úshin jáne radikaldy dini aǵymdardyń jaqtaýshylar», - dedi ol ortalyq kommýnikatsiialar qyzmetidegi brifing barysynda.
Onyń atap ótýinshe, kúdiktilerdi qamaýǵa alý máselesin qarastyrý kezinde olardyń árqaisysynyń is-áreketi, jeke basy, kinásin moiyndaý jáne tergeýge kómek kórsetýi eskeriledi.
«Osy negizdermen prokýrorlar kúdiktini qamaýǵa alý týraly 11 usynysty qoldamady. Óz kezeginde sot ta 80 kúdiktini qamaýǵa alýdan bas tartty. Ýaqytsha ustaý izoliatorynan 103 adam bosatyldy», - dedi Eldos Qilymjanov.
