قاڭتار وقيعاسىنا قاتىستى 2 750 قىلمىستىق ٸس تەرگەلۋدە. بۇل تۋرالى قر باس پروكۋراتۋراسى 1-قىزمەت باستىعىنىڭ ورىنباسارى ەلدوس قيلىمجانوۆ ايتتى, دەپ حابارلايدى قازاقپارات.
«باس پروكۋراتۋرا قاڭتار وقيعاسىندا بولعان قىلمىستاردىڭ تەرگەلۋٸن, ازاماتتاردىڭ كونستيتۋتسييالىق قۇقىقتارىن, زاڭدىلىقتىڭ ساقتالۋىن قاداعالاۋدى جالعاستىرىپ كەلەدٸ. بٷگٸنگٸ كٷنٸ 2 750 قىلمىستىق ٸس تەرگەلۋدە. 802 كٷدٸكتٸ سوت سانكتسيياسىمەن قاماۋعا الىندى. ال 91 تۇلعاعا بۇلتارتپاۋ شاراسى قولدانىلدى. قاماۋعا الىنعانداردىڭ 113-ٸ - سوتتى بولعان, كٸسٸ ٶلتٸرۋ, ۇرلىق, توناۋ جەنە قاراقشىلىق ٷشٸن جەنە راديكالدى دٸني اعىمداردىڭ جاقتاۋشىلار», - دەدٸ ول ورتالىق كوممۋنيكاتسييالار قىزمەتٸدەگٸ بريفينگ بارىسىندا.
ونىڭ اتاپ ٶتۋٸنشە, كٷدٸكتٸلەردٸ قاماۋعا الۋ مەسەلەسٸن قاراستىرۋ كەزٸندە ولاردىڭ ەرقايسىسىنىڭ ٸس-ەرەكەتٸ, جەكە باسى, كٸنەسٸن مويىنداۋ جەنە تەرگەۋگە كٶمەك كٶرسەتۋٸ ەسكەرٸلەدٸ.
«وسى نەگٸزدەرمەن پروكۋرورلار كٷدٸكتٸنٸ قاماۋعا الۋ تۋرالى 11 ۇسىنىستى قولدامادى. ٶز كەزەگٸندە سوت تا 80 كٷدٸكتٸنٸ قاماۋعا الۋدان باس تارتتى. ۋاقىتشا ۇستاۋ يزولياتورىنان 103 ادام بوساتىلدى», - دەدٸ ەلدوس قيلىمجانوۆ.
