Ishki ister organdary qańtar oqiǵalaryna qatysqandardy qatań jaýapkershilikke tartýdy maqsat etip otyrǵan joq. Bul týraly IIM Tergeý departamentiniń bastyǵy Sanjar Ádilov aitty, dep habarlaidy QazAqparat.
«Bizdiń tergeýshiler óndiristegi qylmystyq ister boiynsha qylmystyq jaýapkershilikke tartylatyn ár adamnyń jeke basyn zerdeleidi jáne olardy jappai tártipsizdik barysynda qylmys jasaýǵa itermelegen mán-jailardy anyqtaidy. Bul rette, barlyǵyn barynsha qatań jaýapkershilikke tartýǵa baǵyttalǵan maqsat qoiylǵan joq», - dedi ol Ortalyq kommýnikatsiialar qyzmetindegi brifing barysynda.
Onyń atap ótýinshe, ishki ister organdary tergeýshileri «qańtar oqiǵalary» boiynsha negizinen jappai tártipsizdik barysynda jasalǵan urlyqpen jáne jymqyrýdyń basqa da túrlerimen bailanysty qylmystyq isterdi tergeidi.
«Jappai tártipsizdiktiń uiymdastyrýshylary men qatysýshylaryna, sondai-aq terroristik shabýyldarǵa qatysty tergeýdi arnaýly prokýrorlar júrgizedi», - dedi Sanjar Ádilov.
